“Firefox 12” veb-səyyahı işıq üzü görüb
“Mozilla” cəmiyyəti “Firefox” veb-səyyahının 12-ci versiyasını elan edib.“gadirov.com” elektron xəbər xidməti “net.compulenta.ru” saytına istinadən bildirir ki, “Firefox 12” veb-səyyahında əsas yeniliklərdən biri «sakit» yenilənmə rejimidir: veb-səyyah artıq “Windows” əməliyyat sistemi ilə işləyən kompyuter istifadəçilərini yeniləmə paketinin quraşdırılması zamanı dialoq pəncərələri ilə narahat etməyəcək.
“Mozilla” cəmiyyətindən qeyd ediblər, yeni rejim sistem təhlükəsizliyini azaltmayacaq. Gələcəkdə “Firefox” veb-səyyahının “Mac OS X” və “Linux” əməliyyat sistemləri üçün versiyalarında da reallaşdırmaq planlaşdırılır.
“StatCounter” tədqiqat şirkətinin hesablamasına görə, “Firefox” veb-səyyahı təxminən 23,7% göstərici ilə hazırda populyarlığa görə üçüncüdür. Birinci və ikinci yerlərdə 32,4 və 31,5 faiz göstərici ilə müvafiq olaraq “İnternet Explorer” və “Chrome” veb-səyyahları qərarlaşıb.
© İstifadə edilərkən gadirov.com-a istinad olunmalıdır
