İnternetdə başqalarına olan pis münasibətin təsirləri elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Virtual mühitdə iş bacarıqları moduluna həsr olunmuş elektron dərsliyində salamlayıram.
Məqalənin mündəricatı
İnternetdə başqalarına olan pis münasibətin təsirləri
İnternet və sosial şəbəkələr dostlarla, ailənizlə, həmkarlarınızla əlaqədə qalmağın yeni yollarını təmin edir. Bəzən insanlar bu platformalardan başqa istifadəçilər haqqında neqativ məlumatlar yaymaq üçün istifadə edir. İnternetdə kiber zorakılıq real həyatda olduğu kimi virtual həyatda da pis bir şeydir. İnsanlar internetdən bir-birilərinə təhqiramiz mesajlar göndərmək, dedi qodu yaymaq və kiminsə icazəsi olmadan şəxsi həyatı haqqında məlumatı yerləşdirmək üçün istifadə edə bilər.
İnternetdə rəqəmsal mədəniyyəti təşviq etməyin hansı yolları vardır?
Qızıl qayda ilə yaşayın. Reallıqda və ya virtual aləmdə özünüz qarşılıqlı münasibət gözlədiyiniz kimi başqa insanlar ilə eyni qaydada davranın. Neqativ məktublar göndərməkdən və kiməsə pislik gətirə biləcək hərəkətlərdə iştirakdan çəkinin.
Müxtəlifliyə, fərqliliyə hörmətlə yanaşın.
Biz bir çox aspektlərdən fərqliyik. İnternetdə fərqli insanlarla qarşılıqlı əlaqədə onları düşüncələrinə, təcrübələrinə və mədəniyyətlərinə hörmət bəsləyin.
İnternetdə bir şey paylaşmazdan əvvəl hər zaman dayanın və nəticələrini düşünün.
Sizin məlumat kiməsə bir pislik gətirə bilərmi? Sizin və başqalarının mənafeyinə, təhlükəsizliyinə xələl gətirə bilərmi? Nəsə paylaşmazdan əvvəl iki dəfə düşünün. Özünüzü və başqalarını qoruyun.
Özünüzü və başqalarını qoruyun.
Əgər internetdə özünüzü təhlükəsiz hiss etmirsinizsə, vəziyyətdən sakitcə çıxıb, əmin olduğunuz kimsəyə bu haqda məlumat verə bilərsiz.
Əgər internetdə kiməsə qarşı şiddət və təhlükə görürsüzsə, hədəf olunanı müdafiə edib, güvəndiyiniz birinə bu haqda məlumat verin. Birlikdə interneti hər kəs üçün təhlükəsiz və səmimi dost mühitinə çevirə bilərik.
Məsuliyyətli rəqəmsal vətəndaş olmaqla internetə öz töhfənizi verin.
© İstifadə edilərkən gadirov.com-a istinad olunmalıdır.
