Word 2007 proqramında abzasların düzlənməsi bu gün ki, video dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Microsoft Word 2007 proqramına həsr olunmuş növbəti video dərsliyimdə salamlayıram. Hər şeydən onu bildirim ki, istər yeni istifadəçi, istərsə də bu sahəsə az-çox təcrübəsi olan istifadəçi sənəd yığarkən bu mövzu ilə hökmən rastlaşır. Bu mövzunu tətbiq etməklə yığdığı sənədin xarici görünüşündə dəyişiklik apara bilir.
Mətnin xarici görünüşünün dəyişdirilməsi üsullarından biri də abzasların düzləndirilməsidir. Abzasları düzləndirmək üçün Word-ün bir sıra versiyalarında kifayət qədər maraqlı üsullar təklif olunur. Bildirmək istəyirəm ki, Word 2003 proqramında abzasların düzləndirilməsi üçün istifadə olunan düymələr formatlaşdırma alətlər panelinə bərkidilmişdirsə, Microsoft Word 2007 proqramında isə bu düymələr Главная lenti üzərində yerləşən Абзац adlanan paneldə verilmişdir.
İlk növbədə düzləndirmə dedikdə nə başa düşülür ? Gəlin bu anlayışa tərif verək. Düzləndirmə dedikdə səhifənin sahələrinə nisbətdə abzasın mövqeyi başa düşülür. Düzləndirmə əməliyyatını əyani tətbiq etmək üçün bütövlükdə mətndəki abzas seçilməlidir.
Sonra isə Главная lentinə müraciət edirik. Абзац adlanan bölmədə düzləndirmə əməliyyatlarını yerinə yetirmək üçün dörd düymə vardır.
Bu düymələrdən biri по левуму краю— sola tərəf düzləndirmə düyməsi sənəd yaradılarkən avtomatik olaraq sənədə tətbiq olunur.
Əgər biz qeyd olunmuş mətnimizi mərkəzə doğru düzləndirmək istəyiriksə, onda Абзац adlanan bölmədə по центру — mərkəzə doğru düzləndirmə düyməsi vurulmalıdır.
Klaviatura ilə bu əməliyyatı tətbiq etmək üçün Ctrl düyməsi sıxılı vəziyyətdə E hərfi vurulmalıdır. Gördüyümüz kimi sənədimizdəki abzasımız mərkəzə doğru düzləndi.
Əgər biz qeyd olunmuş mətnimizi sağa doğru düzləndirmək istəyiriksə, onda Абзац adlanan bölmədə по правуму краю- sağa tərəf düzləndirmə düyməsindən istifadə etməliyik.
Gördüyümüz kimi sənədimizdə qeyd olunmuş abzasımız sağa tərəf düzləndi.
Абзац adlanan bölmədə daha çox istifadə olunan və baxımlı sənədlərin yaradılmasında istifadə olunan düymələrdən biri də по ширине- vərəqin eni boyu düzlənmə düyməsidir.
По ширине düyməsinin tətbiqi zamanı sənədimizdəki qeyd olunmuş abzasımız hər iki istiqəmətə eyni qayda ilə düzlənir.
Hesab edirəm ki, bütün sənədlərin daxil edilməsi zamanı məhz istifadəçi bu düyməni sıxmalı və bu zaman sənəd daha baxımlı formada görsənəcək.
Word 2007 proqramında abzasların düzlənməsi
Bütün mətnləri məhz bu düymənin köməyi ilə daha baxımlı formada düzləndirmək olar. Məntlərin düzləndirilməsi zamanı istifadə etdiyimiz düymələri konteks menyunun köməyi ilə yerinə yetirmək olar. Bunun üçün mətnimizdəki abzas qeyd olunur. Sonra isə üzərində siçanın sağ düyməsi sıxılır.
Açılan konteks menyudan Абзац əmrinə daxil olmaqla və ya düzləndirmə düymələrindən istifadə etməklə aparmaq olar. Gələcək dərslərimizdə Абзац bölməsi haqqında daha geniş məlumat verəcəyik. Bu video dərsimizdə sadəcə düymələrin köməyi ilə necə düzləndirmə əməliyyatlarını aparmağı göstərdik.
Beləliklə biz Word 2007 proqramında abzasların düzlənməsi mövzusu ilə tanış olduq.
Sonda bir müəllif kimi qeyd etmək istəyirəm ki, bu video dərsliyim Microsoft Word 2007 proqramını müstəqil öyrənmək istəyən yeni başlayan istifadəçilər üçün nəzərdə tutulub. İnanıram ki, yeni öyrənən istifadəçilər üçün bu video dərsimdə faydalı olacaq. Odur ki, xeyirxah iş görmək imkanını qaçırmayın. Mövzunu sosial şəbəkələrin birində paylaşın. Video dərsliyə səs verin. Kanalıma abunə olun ki, bu video dərsdən digər dostlarınızda yararlana bilsinlər. Baxdığınız və kanalımı izlədiyiniz üçün sizlərə təşəkkür edirəm.
© İstifadə edilərkən gadirov.com-a istinad olunmalıdır
